កម្មវិធីឆ្នាំនេះផ្តល់ការគាំទ្រកាន់តែស៊ីជម្រៅ និងផ្តោតលើទីផ្សារកាន់តែជាក់លាក់។ សហគ្រាសខ្នាតមីក្រូ ធន់តូច និងមធ្យម (MSMEs) ចំនួន ១០ នឹងចូលរួមក្នុង៖
– ដំណាក់កាលទី ១៖ ដែលរួមមានធ្វើការវិភាគស្ថានភាពអាជីវកម្ម ការរៀបចំផែនការយុទ្ធសាស្ត្រ ការប្រឹក្សាយោបល់តាមតម្រូវការជាក់ស្តែង សិក្ខាសាលាអនុវត្តជាក់ស្តែង សកម្មភាពជំរុញការចូលទៅកាន់ទីផ្សារ និងការចូលរួមជាមួយសហគមន៍ព្រៃឈើ។
– ដំណាក់កាលទី ២៖ បន្ទាប់ពីដំណាក់កាលទី១ សហគ្រាសចំនួន ៦ នឹងត្រូវបានជ្រើសរើសបន្តទៅ ដំណាក់កាលទី២ ដើម្បីទទួលបានការគាំទ្រផ្នែកបច្ចេកទេស និងផ្សព្វផ្សាយកាន់តែស៊ីជម្រៅ ព្រមទាំងថវិកាគាំទ្រសម្រាប់ការស្រាវជ្រាវ និងអភិវឌ្ឍន៍ផលិតផល (R&D) រហូតដល់ ៣,០០០ ដុល្លារអាមេរិកក្នុងមួយអាជីវកម្ម។

សហគ្រាសខ្នាតមីក្រូ ធន់តូច និងមធ្យម (MSMEs) ដែលគាំទ្រដល់ការអភិរក្សព្រៃឈើ គឺជាអាជីវកម្មដែលរួម ចំណែកដល់ការការពារព្រៃឈើ ការអភិរក្សជីវៈចម្រុះ ការប្រមូលទិញវត្ថុធាតុដើមប្រកបដោយការទទួលខុសត្រូវ ជំរុញជីវភាពប្រកបដោយចីរភាព ឬការងារប្រើប្រាស់ធនធានធម្មជាតិប្រកបដោយចីរភាព។ កម្មវិធីនេះផ្តោត ជាចម្បងលើអាជីវកម្មដែលមានផលិតផលជាក់លាក់ ឋិតក្នុងខ្សែច្រវាក់តម្លៃដែលពាក់ព័ន្ធនឹងការគាំពារព្រៃឈើ ឬធនធានធម្មជាតិ។

ឧទាហរណ៍រួមមាន៖ អនុផលព្រៃឈើ (NTFP) ទឹកឃ្មុំ ផលិតផលសិប្បកម្ម ផលិតផលធ្វើពីឫស្សី ឬវត្ថុធាតុដើមជំនួសឈើ គ្រាប់ធញ្ញជាតិឈើព្រៃ ផ្លែឈើ និងបន្លែព្រៃ ផលិតផលកសិកម្មនិរន្តរភាព ផលិតផលដែលមិនប៉ះពាល់ដល់បរិស្ថាន ផលិតផលធម្មជាតិ ឬផលិតផលផ្សេងទៀតដែលគាំទ្រការការពារ ព្រៃឈើ និងសហគមន៍ជនបទ។

មិនចាំបាច់ទេ។ អាជីវកម្មរបស់អ្នកអាចមានទីតាំងនៅគ្រប់ទីកន្លែងក្នុងប្រទេសកម្ពុជា។ ទោះជាយ៉ាងណា ផលិតផល ឬគំរូនៃការប្រមូលទិញវត្ថុធាតុដើមឬផលិតផលរបស់អ្នក គួរតែមានទំនាក់ទំនងច្បាស់លាស់ ជាមួយកិច្ចការងារគាំទ្រការពារព្រៃឈើ ជីវៈចម្រុះ សហគមន៍ជនបទ កសិកម្មនិរន្តរភាព ឬខ្សែច្រវាក់ តម្លៃដែលផ្អែកលើធនធានធម្មជាតិ។ អ្នកក៏គួរតែត្រៀមខ្លួនចូលរួមសកម្មភាពសំខាន់ៗដោយផ្ទាល់ និងការចុះទស្សនកិច្ចសិក្សាក្នុងកម្មវិធីផងដែរ។

មិនមែនទេ។ អតីតអ្នកចូលរួមកម្មវិធីត្រូវបានលើកទឹកចិត្តឱ្យដាក់ពាក្យ ប៉ុន្តែកម្មវិធីនេះក៏បើកទទួលសហគ្រាសខ្នាតមីក្រូ ធន់តូច និងមធ្យម (MSMEs) ផ្សេងទៀតនៅកម្ពុជា ដែលគាំទ្រដល់ការអភិរក្សព្រៃឈើ និងបំពេញតាមលក្ខខណ្ឌនៃការជ្រើសរើសផងដែរ។

បន្ទាប់ពីឆ្លងកាត់ដំណាក់កាលទី ១ សហគ្រាសខ្នាតមីក្រូ ធន់តូច និងមធ្យម (MSMEs) ចំនួន ៦ នឹងត្រូវបានជ្រើសរើស ដើម្បីទទួលបានការគាំទ្រកាន់តែស៊ីជម្រៅ។ សហគ្រាសទាំងនេះនឹងទទួលបានមូលនិធិ គាំទ្រសម្រាប់ការស្រាវជ្រាវ និងអភិវឌ្ឍន៍ផលិតផល (R&D) រហូតដល់ ៣,០០០ ដុល្លារអាមេរិកក្នុងមួយអាជីវកម្ម ដើម្បីបំពេញតម្រូវការពាក់ព័ន្ធនឹងការពង្រីកអាជីវកម្មដូចជា៖ ការទិញគ្រឿងម៉ាស៊ីន ការពង្រឹងសមត្ថភាពបុគ្គលិក ឬស្នើរសុំវិញ្ញាបនបត្រចាំបាច់។ ការជ្រើសរើសសម្រាប់ដំណាក់កាលទី ២ នឹងផ្អែកលើវឌ្ឍនភាព លទ្ធផលជាក់ស្តែង កម្រិតនៃការត្រៀមខ្លួនបានរួចរាល់ និងកម្រិតចាំបាច់ក្នុងការពង្រីកអាជីវកម្មនីមួយៗ។

ការវិភាគស្ថានភាពអាជីវកម្មនឹងជួយកំណត់ចំណុចខ្លាំង ចំណុចខ្វះខាត ហានិភ័យ និងឱកាសសម្រាប់ការ រីកចម្រើនរបស់សហគ្រាសខ្នាតមីក្រូ ធន់តូច និងមធ្យម (MSMEs) នីមួយៗ។ ការវិភាគនេះអាចពិនិត្យ លើផ្នែកនានាដូចជា៖ គំរូអាជីវកម្ម ផលិតកម្ម អតិថិជន ច្រកលក់ ប្រតិបត្តិការអាជីវកម្ម ការគ្រប់គ្រងហិរញ្ញវត្ថុ ការកំណត់តម្លៃ គុណភាពផលិតផល ការវេចខ្ចប់ ម៉ាកយីហោ ការចុះបញ្ជីអាជីវកម្ម ការអនុលោមតាមបទដ្ឋាន ការត្រៀមខ្លួនសម្រាប់ចូលទៅកាន់ទីផ្សារ និងការត្រៀមខ្លួនសម្រាប់ការទទួលបានហិរញ្ញប្បទាន។

លទ្ធផលនៃការវាយតម្លៃនេះនឹងជួយកំណត់ការគាំទ្រដែលសមស្របចំតាមស្ថានភាពនិងតម្រូវការជាក់ស្តែងរបស់អាជីវកម្មនីមួយៗ។ វានឹងអនុញ្ញាតឱ្យកម្មវិធីអាចផ្តោតលើផ្នែកដែលត្រូវការការគាំទ្រចាំបាច់បំផុត។