កម្មវិធីបណ្តុះបណ្តាលសហគ្រិន ដាក់ដាំ៖ បណ្តុះអាជីវកម្មថ្មីក្នុងវិស័យកសិកម្ម

កម្មវិធីបណ្តុះបណ្តាលសហគ្រិន ដាក់ដាំ គឺជាកម្មវិធីដែលមានរយៈពេល៧ខែ បង្កើតឡើងសម្រាប់សហគ្រិន ដែលមានគំរូអាជីវកម្មឬផលិតផលដ៏ល្អសម្រាប់បរិស្ថាន និងផ្តល់ឥទ្ធពលវិជ្ជមានដល់វិស័យកសិកម្មនៅកម្ពុជា។ កម្មវិធីនឹងជួយគាំទ្រក្នុងការអភិវឌ្ឍ អាជីវកម្មរបស់អ្នក​ចូលទៅក្នុងទីផ្សារ។ កម្មវិធីនេះមានគោលបំណងជួយក្នុងការបង្កើនប្រាក់ចំណូល កាត់បន្ថយប្រាក់ចំណាយ និង ជួយដល់កសិករខ្នាតតូច ជាពិសេសនារីភេទក្នុងវិស័យកសិកម្ម។

• ផ្នែកថវិកា៖ នឹងទទួលបានកញ្ចប់ថវិការហូតដល់ទៅ ៧៥០០ ដុល្លាបើ​សិនជាអ្នកត្រូវបានជ្រើសរើស ឲ្យចូលរួមកម្មវិធី បន្ទាប់ពីថ្ងៃធ្វើបទបង្ហាញពីគំរូអាជីវកម្ម ( Demo Day)
• សិក្ខាសាលា៖ សិក្ខាសាលាស្តីអំពីការធ្វើអាជីវកម្មដែលបង្ហាត់បង្ហាញដោយអ្នកជំនាញ និងពោរពេញ ដោយបទពិសោធន៍
• ការប្រឹក្សាយោបល់៖ ទទួលបាននូវអ្នកប្រឹក្សាយោបល់ផ្ទាល់ខ្លួន ដែលនៅចាំជួយផ្តល់ជាគំនិតយោលបល់ ដល់លោកអ្នក
• ការបង្ហាត់បង្ហាញ៖ អ្នកជំនាញនៅក្នុងវិស័យកសិកម្មផ្ទាល់និងមកគាំទ្រការបង្កើតអាជីវកម្មរបស់អ្នក
• ការតភ្ជាប់ទំនាក់ទំនង៖ ចូលរួមក្នុងបណ្តាញទំនាក់ទំនងរបស់ Impact Hub ក្នងថ្នាក់ជាតិ និង​អន្តរជាតិ ជាមួយនិងយុទ្ធសាស្រ្តទំនាក់ទំនងដែលជួយអភិវឌ្ឍអាជីវកម្មថ្មីរបស់អ្នកបាន
• ការចុះកម្មសិក្សា៖ ការផ្តល់យោបល់ពីរបៀបចុះកម្មសិក្សា និង​វិភាគលទ្ធផលនៃការសាកល្បងលើ គំរូផលិតផល និង គំរូអាជីវកម្មរបស់អ្នកដោយផ្ទាល់ជាមួយកសិករ
• ការបទបង្ហាញពីអាជីវកម្ម៖ ការធ្វើបទបង្ហាញពីអាជីវកម្មរបស់អ្នកទៅដល់វិនិយោគិន ដៃគូយុទ្ធសាស្រ្ត និងសាធារណជន ដើម្បីបង្កើនការយល់ដឹងនិងផ្សព្វផ្សាយពីអាជីវកម្មរបស់អ្នកទាំង ក្នុងជាតិ និង អន្តរជាតិ

គោលដៅ | តើកម្មវិធីនេះសម្រាប់អ្នកណាខ្លះ?

• កម្រិតនៃអាជីវកម្ម

  • អាជីវកម្មដំណាក់កាលដំបូង មានតែគំរូផលិតផល​ឬសេវាកម្ម​(Prototype) តែមិនទាន់ដាក់លក់ (សូមអាន «អ្វីទៅជាគំរូផលិតផល?»​នៅ ខាងក្រោម)

  • អាជីវកម្មថ្មី (អ្នកកំពុងធ្វើការលក់ផលិតផលដល់អតិថិជន)

  • អ្នកចង់រៀនទាក់ទងជាមួយនឹងរបៀប ប្រែក្លាយគំរូ ផលិតផលឬអាជីវកម្មថ្មី ឲ្យទៅជាអាជីវកម្មជាក់លាក់មួយដែលប្រកបដោយទំនួលខុសត្រូវ​ និរន្តរភាព និង សក្តានុពលក្នុងការពង្រីកនាពេលអនាគត។

• លក្ខខណ្ឌចូលរួម

  • សញ្ជាតិកម្ពុជា

  • មិនមាន​ ឬមានបទពិសោធន៍តិចតូចពីការចាប់ផ្តើមអាជីវកម្មពីមុនមក

  • មានចរិកលក្ខណៈ និងចំណង់ចំណូលចិត្តជាសហគ្រិនក្នុងវិស័យកសិកម្ម

  • មានយ៉ាងតិចស្ថាបនិកឬសមាជិកក្រុមចំនួនពីរនាក់ដែលមានជំនាញនិងសមត្ថភាពបច្ចេកទេស ដើម្បីអនុវត្តគំនិតអាជីវកម្មរបស់អ្នក

  • យើងលើកទឹកចិត្តដល់ម្ចាស់អាជីវកម្មស្ត្រីចូលរួមដាក់ពាក្យ

  • កំពុងរស់នៅនៅក្នុងប្រទេសកម្ពុជា៖

    • អាចធ្វើដំណើរមកទីក្រុងភ្នំពេញ ដើម្បីចូលរួមវគ្គបណ្តុះបណ្តាលខ្លី (Pre-incubation Phase) ថ្ងៃធ្វើបទបង្ហាញគំរូផលិតផល(Demo Day) និង វគ្គធ្វើបទបង្ហាញ ពីអាជីវកម្ម (Showcase Day) ចំណែកថ្លៃធ្វើដំណើរត្រូវបានរាប់រងដោយកម្មវិធី

    •  មានអ៊ីនធឺណិតដើម្បីភ្ជាប់ចូលរួមសិក្ខាសាលា និងវគ្គប្រឹក្សាយោបល់តាមអនឡាញ

    • អាចធ្វើដំណើរទៅតាមខេត្តដើម្បីចូលរួមកម្មសិក្សា និងធ្វើការសាកល្បងលើគំរូ ផលិតផលនិងគំរូអាជីវកម្មរបស់អ្នកជាមួយកសិករផ្ទាល់

  • អាចចំណាយពេលយ៉ាងហ៊ោចណាស់១២ម៉ោងក្នុងមួយសប្តាហ៍ទៅលើអាជីវកម្មថ្មីរបស់អ្នក ក្នុងកំឡុងរយៈពេល៧ខែវគ្គនៃការចូលរួមជាមួយកម្មវិធីនេះ

  • យល់ព្រមបំពេញការស្ទង់មតិផ្សេងៗកំឡុងពេលកម្មវិធី និង២ឆ្នាំបន្ទាប់ពីនេះ ក្នុង គោលបំណងធ្វើការពិនិត្យនិងវាយតម្លៃ

• វិស័យនៃអាជីវកម្ម

  • អាជីវកម្មដែលមានសក្តានុពល និងការផ្តាស់ប្តូរវិជ្ជមានដល់សង្គម និង បរិស្ថាន ក្នុងវិស័យកសិកម្ម

  • ផលិតផល ឬសេវាកម្មដែលល្អដល់បរិស្ថាន រួមទាំងជួយបង្កើនចំណូលដល់កសិករ ខ្នាតតូច ជាពិសេសនារីភេទក្នុងវិស័យកសិកម្ម 

  • ផលិតផល ឬសេវាកម្មនោះអាចជា ដំណោះស្រាយក្នុងការបង្កើនផលិតកម្ម និង លទ្ធផលការងារ ការកាត់បន្ថយចំណាយផ្សេងៗ(ទៅលើវត្ថុធាតុដើម ឬដំណើរការផលិត) ការជួយបន្ថែមគុណតម្លៃដល់ការងារកសិកម្ម ការបង្កើតទីផ្សារថ្មី និងបង្កើនតម្លៃសម្រាប់កសិករ ការជួយដល់សុខភាព ឬការជួយសម្រួលដល់ ភាពលំបាកនានា​ ដែលប្រជាជនកំពុងតែជួបប្រទះ។

គំរូផលិតផលឬ​សេវាកម្ម៖

ជាគំរូផលិតផល ឬសេវាកម្ម​ (prototype) បង្កើតឡើងក្នុងគោលបំណងធ្វើជា ឧទាហរណ៍ ឬ គំរូសាកល្បង ដើម្បីយកទៅសិក្សាពីមិតិយោបល់របស់អតិថិជន។ គំរូផលិតផលនេះ សំខាន់សម្រាប់ធ្វើ តេស្តសាកល្បងនិងធ្វើការសន្មត់ ព្រោះវាចំនាយពេលខ្លីសម្រាប់គិត និងថវិការតិច។  ការសិក្សាលើគំរូផលិតផល ឬសេវាកម្ម​ (prototype)ជួយអ្នកក្នុងការកែរលម្អផលិតផលសម្រេច​ របស់អ្នកកាន់តែប្រសើរឡើងនាពេលអនាគត។

គំរូផលិតផលអាចជាអ្វីក៏បានដែលអ្នកអាចមានឬធ្វើបាន ដូចជា គម្រោងដែលបានសរសេរទុកក្នុង ក្រដាស វីឌីអូដែលពន្យល់ពីរបៀបដំណើរការរបស់គំនិតអ្នក គំរូផលិតផលជាក់ស្តែងផ្ទាល់ដែលអ្នកបាន បង្កើត ការសម្តែងឲ្យឃើញពីរបៀបបំរើសេវាកម្មរបស់អ្នក ឬទំព័រដើមក្នុងគេហទំព័ររបស់អ្នក (Landing Page) ។ល។ ការបង្កើតគំរូផលិតផល​ឬសេវាកម្មបែបនេះ នឹងជួយទាញយកគំនិតរបស់អ្នកឲ្យចេញពីការគិតទៅជា រូបរាងពិតជាក់ស្តែង។ វាក៏ជួយឲ្យអ្នកយល់ដឹងកាន់តែច្បាស់ពីគំនិតនោះ ព្រោះអ្នកបានយកគំនិតនោះ មកអនុវត្តផ្ទាល់ ជាមួយអតិថិជន និងបានស្តាប់ពីមិតិរបស់ពួកគេ ដែលជាវិធីជួយលុបបំបាត់ ភាពមិនប្រាកដប្រជា និងការប៉ាន់ស្មានទាំងឡាយដែល អ្នកមាននៅក្នុងចិត្តតែម្នាក់ឯង។

ក៏ប៉ុន្តែគំរូផលិតផលឬសេវាកម្មនេះ មិនមែនជាផលិតផល ឬ សេវាកម្មល្អគ្រប់គ្រាន់ សំរាប់ដាក់ ឲ្យអតិថិជនធ្វើការទិញនោះទេ ព្រោះវាមិនទាន់ជាផលិតផលសម្រេចនិងល្អនៅឡើយ។ វាគឺជា ការបង្កើតសម្រាប់សាកល្បងដើម្បីស្វែងយល់ថាអ្វីប្រើកើតឬមិនកើតទុកជាមុន ដើម្បីឱ្យយើង មានពេលវេលានិងថវិកាគ្រប់គ្រាន់ដើម្បីដោះស្រាយ និងបង្កើតផលិតផលសម្រេចរបស់យើងឲ្បបានល្អ និងប្រើការបាន។

ការធ្វើការប៉ាន់ស្មាន ឬសន្មត់ គឺជាការគិតទៅលើករណីណាមួយ ទោះបីជាវាគ្មានភស្តុតាងច្បាស់លាស់។